【#Entrepreneurship 101】2021年品牌行销之要点
创业在资金上已经有一定嘅困难,如何可以用更低嘅宣传成本达到更有效嘅产品推广?近年疫情反复,消费模式渐趋线上化,对于中小企业来说,制定有效嘅内容营销 (Content Marketing) —— 指「专为潜在客户创造有趣及与品牌相关度高嘅内容,建立品牌同顾客之间嘅连繫,同时提升品牌信任度,令潜在客户转化为顾客甚至成为品牌拥护者」。企业如果想係重整品牌行销,可留意以下要点:
1. 透过网络联繫客户:当观众喺社交媒体上「分享」行销内容,既可吸引潜在客户,亦为品牌提升曝光率
2. 界定适合嘅客群及社交平台:根据目标受众嘅年龄、地区、生活圈子等资料以评估佢哋最活跃嘅社交平台,然后再提供相应嘅行销内容,有助取得更大嘅宣传效果
3. 提供产品真实资讯:可利用讲故事或人性化嘅传销方式将品牌同消费者连结起来,配合用家见证,能较易产生共鸣
4. 定期發佈内容:除咗订立核心嘅营销内容,亦要恆常喺社交平台进行内容更新,令受众愿意花时间停留以了解产品嘅特性,因持续性行销有助提高消费者对品牌嘅信任度及建立品牌嘅形象
5. 数据分析:可参考实质内容营销嘅数据,如接触人数、受众群体、观看时间、Like 或Share数量等,分析营销嘅成效,若未能达到目的,可弹性调整内容
喺香港创业难免会面对激烈嘅竞争,但其实只要好好运用以上要点来作品牌行销,就算係起步不久嘅嘅中小企业也可以喺市场中脱颖而出
下一节,我哋一齐探索一啲本地嘅成功例子!